Duais Náisiúnta Eolaí Óg buaite ag Daltaí ón Idirbhliain

Posted · Add Comment

Bhí ceiliúradh i gColáiste Pobail Osraí (meánscoil Gaeilge Cill Chainnigh) nuair a bhuaigh cailíní idirbhliain an chéad duais sinsearach sa rannóg Shóisialta agus Iompair ag comórtas BT Eolaí Óg na bliana seo. 
 
Ba í Keire Ní Murchú captaen na foirne buacach agus mhínigh sí an méid a bhí déanta aici i dteannta le Ailís Ní Ghormáin, Caoimhe de Buitléir agus Cáit Ní Mhaolmhuaidh.  “Rinneamar iniúchadh ar éifeacht prímeáil ar iompar dalta bunscoile agus iad i ngrúpaí de seachtar.  D’iarramar orthu bheith ciúin i bealach dearfach nó diúltach – sé sin le rá ‘suí síos agus bí ciúin’ nó ‘ná seas suas agus ná déan aon gleo’.  Chonaiceamar go raibh a mhalairt d’éifeacht ag an bhfoirm d’ordú ar bhuachaillí agus cailíní – is fearr ordú diúltach a thabhairt do chailíní agus ordú dearfach a thabhairt do bhuachaillí!  Chonaiceamar freisin go raibh níos mó ionbhá ag cailíní ná buachaillí.  Ní ionadh mór dúinn sin!  Ach bhí níos mó ionbhá ag buachaillí nuair a bhí siad ina dteannta fhéin ná mar a bhí nuair a raibh cailíní ina measc.  Táimid an bhuíoch don 450 dalta agus na múinteoirí ó Gaelscoil Osraí, De la Salle agus Baile Mhic Andáin a ghlac páirt.”


D’éirigh le dhá tionscnamh eile ón scoil dul chomh fada leis an RDS.  Rinne Aaron de Baráin iniúchadh ar thruailliú in aibhneacha agus bhuaigh sé gradam Ard Mholadh ó na moltóirí.  Rinne Dubhaltach Ó Maolriada, Aoise Ní Néill agus Molly Ó Broinn anailís pailine ar dríodar locha chun athraithe san éiceachóras le 50 bliain anuas a aithint.

lowest rates for personal loans

Leave a Reply

Your email address will not be published. Required fields are marked *